2022-23 ನೇ ಸಾಲಿಗೆ497848ರೂ ವ್ಯಾಪಾರ ಲಾಭ 

ಸುದ್ದಿಮೂಲ ವಾರ್ತೆ

ದೇವನಹಳ್ಳಿ,ಸೆ.13: ವ್ಯವಸಾಯ ಸೇವಾ ಸಹಕಾರ ಸಂಘ 2022-23ನೇ ಸಾಲಿನಲ್ಲಿ 4,98,848 ಲಕ್ಷ ರೂ. ಲಾಭಾಂಶ ಪಡೆದಿದೆ ಎಂದು ಅರದೇಶಹಳ್ಳಿ ವ್ಯವಸಾಯ ಸೇವಾ ಸಹಕಾರ ಸಂಘದ ಅಧ್ಯಕ್ಷ ಎಸ್.ರಾಜು ತಿಳಿಸಿದರು.

ಅರದೇಶಹಳ್ಳಿ ವಿ.ಎಸ್.ಎಸ್.ಎನ್ ಸಂಘದ ಆವರಣದಲ್ಲಿ ನಡೆದ 2022-23ನೇ ಸಾಲಿನ ಸರ್ವಸದಸ್ಯರ ವಾರ್ಷಿಕ ಮಹಾಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಸಂಘದಲ್ಲಿ ರಿಯಾಯಿತಿ ದರದಲ್ಲಿ ರೈತರಿಗೆ ಬೇಕಾದ ರಸಗೊಬ್ಬರ, ರಾಸುಗಳಿಗೆ ಪೌಷ್ಠಿಕ ಆಹಾರ ಒದಗಿಸಿ ತಾಲ್ಲೂಕಿನಲ್ಲಿಯೇ ಅತ್ಯುತ್ತಮ ಸಂಘವೆಂದು ಹೆಸರು ಪಡೆದಿದೆ ಎಂದರು.

ಡಿಸಿ ಬ್ಯಾಂಕ್ ನಿದೇರ್ಶಕ ಕಾಮೇನಹಳ್ಳಿ ರಮೇಶ್ ಮಾತನಾಡಿ, ರೈತರಿಂದ ರೈತರಿಗಾಗಿ ರೈತರೇ ಮಾಡಿಕೊಂಡಿರುವ ಸಹಕಾರ ತತ್ವದಡಿಯ ಸಂಘದ ಅಭಿವೃದ್ದಿಗಾಗಿ ಪಡೆದ ಸಾಲವನ್ನು ಸಕಾಲದಲ್ಲಿ ಮರುಪಾವತಿಸಿದರೆ, ಮತ್ತೆ ಇತರರಿಗೆ ಸಾಲ ನೀಡಲು ಸಹಕಾರಿಯಾಗಲಿದೆ ಪಡೆದ ಸಾಲವನ್ನು ಸದುಪಯೋಗಪಡಿಸಿಕೊಂಡು ಹಿಂದಿರುಗಿಸುವ ಮೂಲಕ ಸಂಘವನ್ನು ಏತ್ತರಕ್ಕೇರಿಸಬೇಕು ಎಂದರು.

ಜಿಲ್ಲಾ ಬ್ಯಾಂಕ್ ನಿರ್ದೇಶಕ ಎನ್.ಸೊಣ್ಣಪ್ಪ ಮಾತನಾಡಿ, ರೈತರಿಗೆ ಬೆಳೆಸಾಲ ನೀಡಲಾಗುತ್ತಿದೆ. ಇನ್ನೂ ಹೆಚ್ಚಿನ ರೈತರು ಸಾಲ ಪಡೆದುಕೊಂಡು ಅಭಿವೃದ್ದಿ ಹೊಂದಿ ಬೆಳೆ ಸಲ ಪಡೆದ ರೈತರಿಗೆ ದಾಖಲೆಗಳ ಆದಾರದಲ್ಲಿ 10 ಲಕ್ಷದವರೆಗೂ ಹಸು ಸಾಲ ನೀಡಲಾಗುವುದು. ಇದಕ್ಕೆ ಶೇ. 0.30 ಪೈಸೆ ಬಡ್ಡಿ ಇರುತ್ತದೆ. ಬ್ಯಾಂಕಿನ ಸಾಲ ಕಟ್ಟುವುದು ಪಡೆಯುವುದರ ಮೂಲಕ ವಹಿವಾಟು ನಡೆಸಿದರೆ ನಮ್ಮ ಸಂಘ ಮುನ್ನೆಡಯಲು ಸಾಧ್ಯ ಎಂದರು.

ಈ ವೇಳೆ ಉಪಾಧ್ಯಕ್ಷೆ ಮಾಲ, ಕೆ.ರಾಮಯ್ಯ, ಪಿ.ಎಲ್.ಡಿ ಬ್ಯಾಂಕ್ ಮಾಜಿ ಅಧ್ಯಕ್ಷ ಎನ್.ಪಿ.ವೆಂಕಟಸ್ವಾಮಿ, ದಾನಿ ಚೇತನಗೌಡ, ನಿರ್ದೇಶಕರುಗಳಾದ ವಿ.ಮುನಿರಾಜು, ವಿ.ರಾಜಣ್ಣ, ಹನುಮಂತೇಗೌಡ, ಎಂ.ನಾರಾಯಣಪ್ಪ, ಮುರುಳಿ, ಆರ್. ಮುನಿಯಪ್ಪ, ಪ್ರವೀಣ್, ಆರ್.ಕವಿತ, ಸಿ.ಪ್ರಕಾಶ್, ಸಿಇಓ ಕೆಸಿ ರವಿಕುಮಾರ್ ಉಪಸ್ಥಿತರಿದ್ದರು.