ಕರಡಿ ದಾಳಿ ಯುವಕನಿಗೆ ಗಾಯ

ಸುದ್ದಿಮೂಲವಾರ್ತೆ

ಕೊಪ್ಪಳ ಆ 27: ಕೊಪ್ಪಳ ಜಿಲ್ಲೆಯಲ್ಲಿ ಕರಡಿಗಳು ಮನುಷ್ಯರ ಮೇಲಿನ ದಾಳಿ ಮುಂದುವರಿದಿದೆ.‌ಇಂದು ಗಂಗನಾಳ ಗ್ರಾಮದ ಹೊಲದಲ್ಲಿ ಕೆಲಸ ಮಾಡುತ್ತಿದ್ದ ಯುವಕನ ಮೇಲೆ ಕರಡಿ ದಾಳಿ ಮಾಡಿವೆ.

ಇಂದು ಮದ್ಯಾಹ್ನ ಹಾಡಹಗಲೇ ಯುವಕನ ಮೇಲೆ‌ ಕರಡಿ ದಾಳಿ ಮಾಡಿದೆ.

ಕೊಪ್ಪಳ ತಾಲೂಕಿನ ಗಂಗನಾಳದ ಹನುಮೇಶ ತೊಪಲಕಟ್ಟಿ ಎಂಬುವವರ ಮೇಲೆ ದಾಳಿ ಮಾಡಿದ್ದು. ಕರಡಿ ದಾಳಿಯಿಂದ ಗಾಯಗೊಂಡ ಹನುಮೇಶರನ್ನು ಕೊಪ್ಪಳ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ.

ಹೊಲಕ್ಕೆ ಹೋಗಿದ್ದ ಹನುಮೇಶ ಮೇಲೆ ದಾಳಿ ಮಾಡಿದ್ದು. ಈ ಭಾಗದಲ್ಲಿ ಆಗಾಗ ಕರಡಿಗಳು ದಾಳಿ ಮಾಡುತ್ತಿವೆ.‌ಇದೇ ತಿಂಗಳು ಮೂರು ಜನರ ಮೇಲೆ ಕರಡಿಗಳು ದಾಳಿ ಮಾಡಿರುವ ಪ್ರಕರಣಗಳು ವರದಿಯಾಗಿವೆ. ಇದರಿಂದ ಇಲ್ಲಿಯ ಜನ ಭಯಭೀತರಾಗಿದ್ದಾರೆ. ಈ ಭಾಗದಲ್ಲಿ ಕರಡಿಯಿಂದ ಭೀತಿಯಿಂದ ಜನರನ್ನು ಪಾರು ಮಾಡಬೇಕೆಂದು ಕೆಆರ್ ಪಿಪಿ ಯುವ ಮುಖಂಡ ಮಹಾಂತೇಶ ಸಂಗಟಿ ಆಗ್ರಹಿಸಿದ್ದಾರೆ.