ನನ್ನ ವಿರುದ್ದ ದೂರಿದವರು ಮೊದಲು ತಮ್ಮದು ನೋಡಿಕೊಳ್ಳಲಿ- ಹರಿಪ್ರಸಾದ

ಸುದ್ದಿಮೂಲವಾರ್ತೆ

ಕೊಪ್ಪಳ,ಸೆ.11:ಇತ್ತೀಚಿಗೆ ಈಡಿಗ ಸಮಾಜದ ಸಮಾವೇಶದಲ್ಲಿ ಸಿಎಂ ವಿರುದ್ದ ಪರೋಕ್ಷವಾಗಿ ಮಾತನಾಡಿದ್ದ ವಿಧಾನಪರಿಷತ್ ಸದಸ್ಯ ಬಿ ಕೆ ಹರಿಪ್ರಸಾದ ವಿರುದ್ದ ಮುಖ್ಯಮಂತ್ರಿ ಸಿದ್ದರಾಮಯ್ಯ ಎಐಸಿಸಿ ಉಸ್ತುವಾರಿ ಸುರ್ಜೆವಾಲಾ ಗೆ ದೂರು ಕೊಟ್ಟಿದ್ದಾರೆ ಎಂಬುವದಕ್ಕೆ ಬಿ ಕೆ ಪ್ರಸಾದ ಪ್ರತಿಕ್ರಿಯಿಸಿದ್ದಾರೆ.

ಇಂದು ಕುಕನೂರು ತಾಲೂಕಿನ ತಳಬಾಳದಲ್ಲಿ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿ ದೂರು ಕೊಟ್ಟರೆ ಬಹಳ ಸಂತೋಷ, ಎಲ್ಲರೂ ದೂರು ಕೊಡಬೇಕು. ನನ್ನ ವಿರುದ್ದ ದೂರು ಕೊಡೊರು ಫಸ್ಟ್ ಅವರು ಎನೂ ಅಂತ ತಿಳ್ಕೋಬೇಕು ಎಂದರು.

ಇದರೊಂದಿಗೆ ಸಿಎಂ ಸಿದ್ದು ವಿರುದ್ದ ಮತ್ತೆ ಅಸಮಾಧಾನ ಹೊರ ಹಾಕಿದರು.ದೂರು ಕೊಟ್ಟರೆ ಬಹಳ ಸಂತೋಷ, ದೂರು ಕೊಡುವ ಮೊದಲು ಅವರು ಎನೂ ಅನ್ನೊದನ್ನ ತಿಳ್ಕೋಬೇಕು ಎಂದರು.

ನನ್ನ ಬಗ್ಗೆ ಮಾತಾಡತಾಯಿದಾರಾ..? ಅವರ ಮೇಲೆ ಹಗರಣಗಳು ಇವೆ ಅದಕ್ಕಾಗಿ ಮಾತಾಡ್ತಾಯಿದ್ದಾರೆ. ಅದರಿಂದ ಬಚಾವಾಗಲೂ ಮಾತಾಡ್ತಾರೆ ಮಾತಾಡಲಿ. ದೈರ್ಯ ಇದ್ರೆ ಗೆ ಹೆಳ್ತಾನೇಯಿರಲಿ ಎಂದರು.

ಬಸನಗೌಡ ಪಾಟೀಲ್ ಯತ್ನಾಳ ಕಾಂಗ್ರೆಸ್ ವಿರುದ್ದ ಹೇಳಿಕೆ ವಿಚಾರವಾಗಿ ಪ್ರತಿಕ್ರಿಯಿಸಿ ಬಿಜೆಪಿಯವರು ಹಗಲು ಕನಸು ಕಾಣ್ತಾಯಿದ್ದಾರೆ. ನಮ್ಮ ಪಕ್ಷದಲ್ಲಿ ಕಿತ್ತಾಟ ಇಲ್ಲ, ಇದರಿಲ್ಲ ಪ್ರಜಾಪ್ರಭುತ್ವ ಇದೆ. ಪ್ರಜಾಪ್ರಭುತ್ವದಲ್ಲಿ ನಾವು ಹೇಳ್ತಿವಿ, ಅವರಂತೆ ನಾಗ್ಪುರದಲ್ಲಿ ನಿರ್ದೇಶನಗಳನ್ನ ತಗೆದುಕೊಳ್ಳಲ್ಲ ಎಂದರು.