ಮಲ್ಲನಗೌಡರು ರಾಯರಡ್ಡಿಯವರ ಕ್ಷಮೆ ಕೇಳಬೇಕು:ಕಡೆಮನಿ

ಸುದ್ದಿಮೂಲವಾರ್ತೆ

ಕೊಪ್ಪಳ,ಆ.04: ಬಸವರಾಜ ರಾಯರಡ್ಡಿಯವರಿಗೆ ಮಸಿ ಬಳಿಯುವ ಹೇಳಿಕೆ ನೀಡಿರುವ ಮಲ್ಲನಗೌಡ ಕೋನನಗೌಡ್ರ ಶನಿವಾರದೊಳಗೆ ಕ್ಷಮೆ ಇಲ್ಲಬೇಕು ಇಲ್ಲವಾದರೆ ನಾವು ಅವರಿಗೆ ಮಸಿ ಬಳಿಯುತ್ತೇವೆ ಎಂದು ಬಸವರಾಜ ರಾಯರೆಡ್ಡಿ ಅಭಿಮಾನಿ ಬಳಗದ ಹನುಮೇಶ ಕಡೇಮನಿ ಹೇಳಿದರು.

ಇತ್ತೀಚಿಗೆ ತಳಕಲ್ ನ ಕಾರ್ಯಕ್ರಮದಲ್ಲಿ ರಾಯರೆಡ್ಡಿಯವರು ಮಾತನಾಡುವಾಗ ಏಕವಚನ ಬಳಸಿಲ್ಲ. ಒಂದು ವೇಳೆ ಬಳಸಿದ್ದರೆ ಮಾತಿನ ಭರದಲ್ಲಿ ಆಗಿರಬಹುದು. ಆದರೆ MLA ಚುನಾವಣೆಯಲ್ಲಿ 500 ಓಟು ಪಡೆಯಲು ಆಗದ ವ್ಯಕ್ತಿ ರಾಯರೆಡ್ಡಿಯವರ ಬಗ್ಗೆ ಹೀನಾಯವಾಗಿ ಮಾತನಾಡುವುದು ನಿಲ್ಲಿಸಬೇಕು ಎಂದು ಜೆಡಿಎಸ್ ನ ಮಲ್ಲನಗೌಡ್ರ ವಿರುದ್ದ ವಾಗ್ದಾಳಿ ನಡೆಸಿದರು.

ರಾಯರೆಡ್ಡಿಯವರಿಗೆ ಮಸಿ ಬಳಿಯುವ ಬೆದರಿಕೆ ಹಾಕಿರುವ ಮಲ್ಲನಗೌಡ್ರ ವಿರುದ್ದ ಪೊಲೀಸರು ಸ್ವಯಂಪ್ರೇರಿತ ದೂರು ದಾಖಲಿಸಿಕೊಳ್ಳಬೇಕು ಎಂದು ಕಡೇಮನಿ ಆಗ್ರಹಿಸಿದರು.

ಜಿ.ಪಂ. ಮಾಜಿ ಸದಸ್ಯರಾದ ಅಶೋಕ ತೋಟದ, ಯಲಬುರ್ಗಾ ಯುವ ಕಾಂಗ್ರೆಸ್ ತಾಲೂಕು ಉಪಾಧ್ಯಕ್ಷರಾದ ಮರಿಸ್ವಾಮಿ ಪೂಜಾರ, ಯುವ ಎಸ್ ಸಿ ಘಟಕದ ಅಧ್ಯಕ್ಷರಾದ ಭೀಮಣ್ಣ ನಡುಲಮನಿ ಉಪಸ್ಥಿತರಿದ್ದರು.