ಬನ್ನೇರುಘಟ್ಟ ವೃತ್ತದಲ್ಲಿ ಶ್ರೀ ವಿಶ್ವಕರ್ಮ ಜಯಂತೋತ್ಸವ 

ಸುದ್ದಿಮೂಲ ವಾರ್ತೆ

ಬನ್ನೇರುಘಟ್ಟ,ಸೆ.17:ಬೆಂಗಳೂರು ದಕ್ಷಿಣ ವಿಧಾನಸಭಾ ಕ್ಷೇತ್ರದ ಬನ್ನೇರುಘಟ್ಟ ವೃತ್ತದಲ್ಲಿ ಅಖಿಲ ಕರ್ನಾಟಕ ವಿಶ್ವಕರ್ಮ ಮಹಾಸಭಾದ ಬನ್ನೇರುಘಟ್ಟ ಘಟಕ ಹಾಗೂ ಜಿಗಣಿ ಘಟಕದ ವತಿಯಿಂದ ಐದನೇ ವರ್ಷದ ವಿಶ್ವಕರ್ಮ ಜಯಂತೋತ್ಸವ ಆಚರಣೆ ಮಾಡಲಾಯಿತು.

ವಿಶ್ವಕರ್ಮ ಜನಾಂಗ ವಿಶ್ವಕರ್ಮ ಜಯಂತೋತ್ಸವವನ್ನು ಐದು ವರ್ಷಗಳಿಂದ ಆಚರಣೆ ಮಾಡಿಕೊಂಡು ಬರುತ್ತಿರುವ ಬನ್ನೇರುಘಟ್ಟ ಘಟಕದ ಹಿರಿಯ ಮುಖಂಡರು ಶ್ರೀ ವಿಶ್ವಕರ್ಮ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿದರು. ನೂರಾರು ಸಾರ್ವಜನಿಕರಿಗೆ ಸಿಹಿ ಹಾಗೂ ಅನ್ನದಾನ ಮಾಡುವ ಮುಖಾಂತರ ಐದನೇ ವರ್ಷದ ವಿಶ್ವಕರ್ಮ ಜಯಂತೋತ್ಸವ ಆಚರಣೆ ಮಾಡಿದರು.

ಬನ್ನೇರುಘಟ್ಟ ಘಟಕ , ಜಿಗಣಿ ಘಟಕದ ವಿಶ್ವಕರ್ಮ ಹಿರಿಯ ಮುಖಂಡರಾದ ಪುರುಷೋತ್ತಮ್ ಆಚಾರ್, ಜಯಶಂಕರ್ ಆಚಾರ್, ಶ್ರೀಕಂಠ ಆಚಾರ್ ಮಂಜುನಾಥ್ ಆಚಾರ್ ರವರ ನೇತೃತ್ವದಲ್ಲಿ ಬನ್ನೇರುಘಟ್ಟ ಸರ್ಕಲ್ ನಲ್ಲಿ ವಿಶ್ವಕರ್ಮ ಜಯಂತೋತ್ಸವ ಆಚರಿಸಲಾಯಿತು.

ಇದೇ ಸಂದರ್ಭದಲ್ಲಿ ವಿಶ್ವಕರ್ಮ ಕುಲಬಾಂಧವರಾದ ಶ್ರೀಕಂಠಾಚಾರ್, ಅರಕೆರೆ ಮಧು,ಲಿಂಗಮೂರ್ತಿ, ರುದ್ರೇಶ್ ಮಾಸ್ಟರ್, ಈರಣ್ಣ ಬಡಿಗೇರ್, ನಾಗರಾಜ್ ನೆಸನೂರು,ನೀಲಕಂಠ ಆಚಾರ್, ಮಧು ನಾಗರಾಜ್ ಆಚಾರ್ ಸೇರಿದಂತೆ ನೂರಾರು ವಿಶ್ವಕರ್ಮ ಕುಲಬಾಂಧವರು ಸಾರ್ವಜನಿಕರು ಜಯಂತೋತ್ಸವದಲ್ಲಿ ಭಾಗವಹಿಸಿದ್ದರು.